منوعات

ابني اللي طلع أخويا .ج1حكايات_شروق_خالد

إيه السر اللي أبو حسن خبّاه عنه؟ وليه ست غريبة زي أم سلمى هي الوحيدة اللي تعرفه؟ حكايات شروق خالد حسن فضل واقف مكانه مش قادر يستوعب. بص للست اللي قدامه وقال أبويا؟ إنتي كنتي شغالة عند أبويا؟ الست هزت راسها ببطء. أيوه من سنين طويلة. حسن قرب منها.

وإيه السر اللي أبويا خبّاه عني؟ الست بصت ناحية آدم، وبعدين بصت لجد سلمى. جد سلمى قال بهدوء لازم تعرف يا حسن. حسن بص له. تعرف إيه؟ الراجل قعد على الكرسي القديم، وقال أبوك كان بيساعد ناس كتير من غير ما حد يعرف.

حسن استغرب. وده سر؟ الست قاطعته مش المساعدة هي السر. سكتت لحظة. وبعدين قالت السر في الفلوس اللي كان بيديها لهم. حسن عقد حواجبه. فلوس إيه؟ الست قالت أبوك كان بيحط جزء من أرباحه كل شهر في حساب خاص الحساب ده كان مخصص لعائلات فقيرة كان بيساعدها.

الأكثر قراءة الان
الممرضة اللي كسرت خوف زعيم المافيا ج1 .حكايات شروق خالد
منذ 6 أيام

غنّت له فصحى من غيبوبته ج1 #حكايات_شروق_خالد
منذ أسبوع

«مربية ولاد زعيم المافيا كشفت السر اللي أخفى مرضهم سنين» ج1 #حكايات_شروق_خالد
منذ أسبوع

حسن اتنهد. طيب وإيه المشكلة؟ الست بصت له بحزن. المشكلة إن بعد وفاته الحساب اختفى. حسن اتصدم. اختفى إزاي؟ اتقفل. مين قفله؟ الست سكتت. حسن قرب منها. مين؟ قالت بصوت واطي عمك. حسن رجع خطوة. عمي؟ الست هزت راسها. أبوك كان عارف إن أخوه طمعان في كل حاجة.

وعشان كده كان مخبي عنك أوراق مهمة. حسن سأل بسرعة فين الأوراق دي؟ الست بصت ناحية آدم. ابنك هو اللي لقا أول خيط. حسن بص لآدم باستغراب. آدم؟ الولد هز راسه وهو بيعيط. أنا لقيت جواب قديم في مكتبك يا بابا.

حسن اتفاجئ. في مكتبي؟ أيوه كنت بدور على ورقة للمدرسة. ولقيت إيه؟ آدم طلع من شنطته ظرف قديم. ومده لأبوه. حسن أخده بإيد مرتعشة. كان عليه اسم والده. فتح الظرف. جواه ورقة مكتوبة بخط أبوه. قرأ أول سطر وفجأة وشه اتغير.

الرسالة كانت بتقول يا حسن، لو الورقة دي وصلت لك، يبقى أنا مش موجود، وحان الوقت تعرف الحقيقة. حسن حس إن نفسه اتقطع. كمل القراءة. أنا عارف إنك طول عمرك فاكر إن عمك كان سندي لكن الحقيقة غير كده. حسن رفع عينه.

معقول؟ كمل. كان فيه أموال مخصصة لمساعدة ناس محتاجة، لكن أخوك حاول ياخدها لنفسه. أنا رفضت، وهددته إني هبلغ عنه. إيد حسن بدأت ترتعش. وتحت الكلام كان فيه اسم. سامي. حسن قال بصوت منخفض سامي عمّه. نفس الشخص اللي كان دايمًا واقف جنبه بعد وفاة أبوه.

نفس الشخص اللي كان بيقوله أنا زي أبوك يا حسن. حسن قلب الورقة. في آخرها كان مكتوب ولو في يوم سمعت إن عيلة اسمها عيلة عبدالسلام بتطلب مساعدة ساعدهم. لأنهم دفعوا تمن غلطة مش بتاعتهم. حسن رفع عينه ناحية أم سلمى.

الست كانت بتعيط. قالت أبوك كان بيحاول يحمي جوزي. حسن سأل جوزك؟ هزت راسها. أبو سلمى. حسن سكت. جد سلمى قال أبو سلمى كان شغال مع أبوك. في الشركة؟ أيوه. وحصل إيه؟ الراجل رد اتحطت عليه تهمة سرقة وهو بريء. حسن حس إن قلبه بيدق ب

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى