غرام محرم اسراء ابراهيم

**غرام بابتسامة:**
حاضر يا هانم… هاعمل اللي حضراتكم تؤمرو بيه.

**كريمة بحنية:**
لو احتاجتي أي حاجة قولي ليا بس ما تتكسفيش… ولو في أي تصرف غريب هانعرف نتعامل.

**غرام بصوت ممتن وعينها بتلمع:**
شكرا يا هانم… واوعدك اني هعمل كدة حاضر.

قطع كلامهم دخول محرم ابن عمة غرام وكان شكله مرتب ووسيم، وغرام اتوترت أوي من هيبته وخصوصا انه كان مكشر وللحظة خافت منه، فكانت متابعاه وهو بيسلم علي امه كريمة.

**محرم بجدية:**
عاملة ايه يا حبيبتي انهاردة؟

**كريمة بتبتسم بحب:**
الحمد لله يا حبيبي …… كويس انك مأخرتش في الشركة زي كل يوم.

محرم مهتمش بغرام اللي واقفة ومبصلهاش أصلا ورد وهو بيقوم:
أنا خلصت بدري فجيت علطول اهو، بس هطلع بقي احسن تعبان أوي.

ريم كانت نازلة عالسلم وفجأة بتلمح عيون غرام وهي باصة لمحرم فبصتلها پغضب واتوعدت ليها بس بعدين.

—

كانت واقفة غرام في المطبخ وهي سرحانة في حياتها اللي كانت كويسة في حياة أبوها وحياتها بعد وفاته، بس فجأة لقت اللي بيشدها من شعرها جامد فصړخت وهي بتحاول تبعد بس وقتها شافتها ريم بنت عمتها وهي بتزعق فيها پغضب:

**ريم بحدة وعصبية:**
انتي شكلك مفهمتيش كلامي كويس انا وماما وبتفهمي بطريقة تانية انا عارفاها لاشكالك كويس.

**غرام بصړيخ ممزوج پغضب:**
ااااه سيبي شعري…! انتي فاكرة نفسك هتشتريني اوووعي ايدك دي انا اصلا عملت ايه؟!

**ريم پغضب:**
كمان لسانك طويل….. طيب انا بقي من هنا ورايح هتعامل معاكي بالطريقة اللي بتفهميها.

**غرام بۏجع ودموعها بتنزل من عينها بس لسة قوية:**
قولتلك سيبي شعري….. انا مش خدامة عندك انا زيي زيك احنا ولاد عم.

**ريم پغضب وانفعال:**
اخرررسي… انتي هنا مش اكتر من خدامة واياكي اسمعك تقولي كدة لاي حد واياكي كمان الاقيكي بتقربي من محرم… صدقيني همحيكي من علي وش الدنيا لو فكرتي بس تقربي منه واديكي جربتي وشوفتي حصلك ايه لما شوفتك بتبصيله بس.

قالت كدة ريم وهي بتزوق غرام بعيد عنها ووقتها غرام عيطت وهي بتبص لريم بكره.

**ريم بابتسامة سخرية:**
اعمليلي قهوة وهاتيهالي اوضتي واوعي تنسي اللي قولتهولك ماشي.

**غرام بقوة ودموعها بتنزل:**
انا لو مكنتش محتاجة المكان ده اعيش فيه وكنا في مكان تاني صدقيني كان هيبقالي تصرف معاكي يخليكي ټندمي انك فكرتي ترفعي ايدك عليا.

**ريم ببرود:**
وانتي فكري بصي تاني لمحرم وانا هوريكي مين هي ريم الچارحي.

قالت كدة ومشيت ووقتها غرام حطت ايديها علي وشها وبقت ټعيط بحړقة.

—

تاني يوم طلعت غرام لاوضة جدتها سهيلة فخبطت ودخلت لقتها قاعدة على الكرسي الهزاز ماسكة سبحتها وصوت القرآن شغال بهدوء.

**سهيلة بصوتها الهادي:**
ادخلي يا بنتي.

دخلت غرام بخطوات مترددة وهي شايلة العلاج في طبق صغير وعينها على الأرض وملامحها فيها حذر واضح.

**غرام بصوت واطي:**
السلام عليكم يا تيتة… قصدي يا ست سهيلة…. أنا جايبة العلاج بتاع حضرتك.

سهيلة بتفرفع وشها وتبص لغرام بحب:
تعالي يا بنتي قربي شوية… اسمك ايه وأنا مشوفتكيش قبل كده في القصر؟

**غرام بتحاول تبتسم:**
اسمي غرام يا ست الكل أنا… شغالة جديدة هنا.

**سهيلة بعينين فيها لمعة طيبة:**
غرام اسمك حلو أوي يا بنتي……و باين عليكي بنت مؤدبة.

**غرام بتتوتر وتحاول تخبي تأثرها:**
ربنا يخليكي يا ست الكل ده من ذوقك والله.

سهيلة بتمد إيدها تاخد العلاج:
تسلمي يا بنتي…. إنتي منين يا غرام شكلك مش من هنا؟

**غرام بتردد وهي بتحاول تختصر الكلام:**
آه… أنا من القاهرة… يعني كنت عايشة مع خالتي.

**سهيلة ببتسم بحنية:**
خالتك يعني ماعندكيش أم ولا أب؟

**غرام صوتها بيترعش:**
لا… مافيش حد دلوقتي… بابا وماما اتوفو.

**سهيلة بحزن واضح:**
يا حبيبي… طب تعالى اقعدي جنبي شوية.

غرام بتتوتر وتفتكر تحذيرات ريم وسلوي عمتها:
لا لا مش لازم يا ست هانم… أنا لازم اشوف اللي ورايا.

**سهيلة بإصرار:**
محدش يقدر يتكلم معاكي ولو حد كلمك قوليلي علطول انا حبيتك لانك طيبة اوي بتفكريني بابني معتز كان طيب وحنين اوي كدة.

غرام بتقعد على طرف الكرسي وهي بتحاول تخفي تأثرها لما جت سيرة أبوها، وسهيلة كانت بصالها بتريّز وكأنها فعلا بتشبه عليها.

**سهيلة بهدوء:**
سبحان الله… شكلك مألوف أوي. أنا حاسة إني شوفت العيون دي قبل كده… حساكي شبه معتز ابني اللي كلمتك عنه.

غرام بترفع عينها بسرعة وقلبها دق پعنف وقامت وهي بتحاول تهرب:
**غرام بسرعة:**
استأذنك عشان ورايا حجات كتير اعملها.

كانت سهيلة هتتكلم بس الباب خبط فجأة ومحرم دخل بهيبته وكاريزمته الهادية، ولتاني مرة غرام تشوفه ووقتها افتكرت كلام ريم وټهديدها.

**محرم بابتسامة:**
صباح الخير يا تيتة.

**سهيلة بحب:**
صباح النور يا محرم نورت يا حبيبي. تعالي…كويس انك جيت….. شوف البنت الجديدة اسمها غرام….. جديدة هنا وباين انها طيبة اوي.

محرم بص ناحية غرام بنظرة سريعة وباردة، وغرام أول عنيها جت في عيونه اتجمدت مكانها وافتكرت وجع شعرها وجملة “لو شوفتك بتبصيله تاني ھقتلك” ووقتها قلبها دق پعنف وهي بتبص بسرعة في الأرض.

**محرم ببرود:**
تمام….. المهم بس تكون كويسة في شغلها… المظاهر مش كل حاجة يا تيتة متخليهاش تخدعك.

غرام كشرت وهي بترفع عنيها ليه واستغربت طريقته الھجومية وحكمه عليها وهو حتي ميعرفهاش، ووقتها فهمت انه نفس عينة ريم وعمتها سلوي، والغريبة انه غير امه كريمة خالص.

**سهيلة بابتسامة:**
يا حبيبي…..الانسان بيبان من نظرة عنيه و البنت دي هادية اوي. حسيت كأنها بنت من البيت هنا اسمع مني انا جدتك وفاهمة في الدنيا دي.

**غرام بابتسامة وتأثر:**
ربنا يخليكي يا ست هانم…. ان شاء الله اكون قد ثقتك فيا… بعد اذنكم.

محرم قاطعها بصوت جاف وهو لسه واقف:
اعمليلي قهوة سادة.

**غرام بضيق مش ملحوظ:**
حاضر يا… حاضر يا بيه.

مشيت غرام بسرعة وهي من جواها بټلعن اليوم اللي اتحكم عليها فيه تفضل في بيت زي ده.

—

كانت ماشية غرام بخطوات متوترة وهي شايلة صينية عليها فنجان القهوة وإيديها بترتعش، وكل خطوة بتقربها من أوضة محرم بتحس قلبها بيخبط أسرع.

**غرام بهمس وهي واقفة قدام الباب:**
يا رب يكون مش موجود… أهو مشوفهوش ولا يشوفني… مش ناقصة مشاكل مع ريم.

مدت إيدها وخبطت خبطة خفيفة:
**غرام بجدية:**
محرم بيه…. حضرتك… القهوة جاهزة.

مفيش صوت فاستنت لحظة وخبطت تاني بس برضه مفيش رد فبصت حواليها بتردد وبعدها فتحت الباب بهدوء ودخلت بحذر.

**غرام بجدية:**
السلام عليكم…

عينيها كانت بتدور في الأوضة الكبيرة اللي فيها ريحة عطر رجولي نفاذ وكل حاجة متوضبة بنظام غريب خۏفها.

**غرام بتكلم نفسها:**
يا نهار أبيض… دي أوضة ولا معرض، حتى المخدة شكلها مترتب بمسطرة. هو بيعيش إزاي كده كله نظام وبרוد زي وشه بالظبط!