انتي هنا شغالة وانتي فاهمة ومتطمعيش في اكتر من كدة عشان مرمكيش في الشارع مكان ما جبتك. **غرام بقوة:** انتي فاكرة نفسك مين عشان تبيعي وتشتري فيا علي فكرة انا هنا زيي زيك بس الفرق انك اتولدتي هنا لكن انا اتولدت في مكان تاني وكل ده عشان بابا اللي هو عمك خاف يقولكم انه متجوز ومخلف وده مش ذنبي.
**ريم ببرود:**
والله الكلام ده انا مش فارق معايا…… وعمي اللي بتقولي عليه ماټ ولولا المحامي اللي قالنا انه فعلا متجوز وورانا قسيمه جوازه مكناش هنعترف بيكي ومن الاخر ياما ترضي تعيشي خدامة هنا في القصر ياما تغوري من هنا في الشارع اللي جاية منه ولا اقولك روحي لخالتك اللي مش بطيقك وماصدقت انك مشيتي.
**غرام بحزن مكبوت وعيونها بتلمع:**
انا مش فارق معايا كلامك ولا حتي اني اعيش هنا خدامة انا لولا اني محتاجة عشان مصاريف جامعتي وان خالتي فعلا مش عاوزاني مكنتش قعدت هنا دقيقة واحدة.
كانت ريم هترد بس سبقتها سلوي امها وتبقي عمة غرام بحدة وڠضب:
بت انتي بلاش جو الصعبانيات ده عشان مش هياكل معانا……وطالما وافقتي تبقي خدامة هنا يبقي ملوش لزوم الكلام الكتير.
**غرام بقوة وعيونها خلاص هتخونها وتخلي دموعها تنزل:**
حاجة تاني ولا ممكن اروح اوضتي؟
**ريم بسخرية:**
انتي كمان بتحلمي يكون ليكي اوضة…… انتي هنا خدامة يعني مكانك المطبخ وهتنامي مكان ما بتشتغلي انتي فاهمة؟
**غرام بحزن:**
فاهمة….. بعد اذنكم.
**سلوي بتردد:**
استني يا بت انتي….. في حاجة كمان واعرفي انك لو خالفتيها هيكون اخر يوم ليكي هنا…….
**غرام بهدوء:**
خير يا سلوي هانم… ايه تاني؟
**سلوي بټهديد:**
اي حد هنا مش هيعرف انك بنت معتز اخويا انتي فاهمة، لا ماما ولا كريمة اختي فاهمة ولا لا؟
**غرام بحزن:**
فاهمة…. حاجة تاني؟
**سلوي ببرود:**
لحد دلوقتي خلاص، بس اهم حاجة عندي انك تشتغلي وانتي قافلة بوقك.
**غرام بطاعة:**
حاضر…. بعد اذنكم.
سابتهم غرام ودخلت المطبخ ووقفت ريم بعصبية قدام امها وهي بتقولها:
انا بجد مش عارفة ازاي طاوعتك وخلتها تعيش هنا…… ماما انا مش عجبني الموضوع ده… ماهو انا مش هستني لما هي تاخد كل حاجة.
**سلوي ببرود:**
انتي بس بطلي تسرع واقعدي كدة بدل ما انتي واقفة مخايلاني …… وبعدين كل حاجة ايه اللي هتاخدها … دي بت هبلة مش فاهمة حاجة وكل همها تعيش وخلاص…. لو كانت فعلا داخلة علي طمع كان زمانها بتطلب ببجاحة.
**ريم بغيظ:**
واش ضمنك بقي انها مش ممكن تقع بلسانها قدام تيتة ولا عمتو كريمة، ما انتي عارفاهم هيفرحو ازاي وهيصدقوها لانهم كانو بيحبو عمو معتز اوي.
**سلوي ببرود وهي بتبتسم:**
اولا لانها عارفة انها لو اتكلمت هتمشي من هنا، ثانيا بقي هي ما صدقت ان يكون ليها مكان تعيش فيه بعيد عن خالتها.
**ريم بعصبية وغيظ:**
ماشي يا مامي انا هصدقك بس لو شوفتها بتقرب من محرم ابن عمتو كريمة انا بقولك اهو…
**سلوي بنفاد صبر:**
ايه بس اللي هيخليها تقربله بطلي انتي بس تشغلي دماغك بيها وبدل ما انتي فاضية كدة حاولي قربي من محرم وخليه يخطبك.
**ريم بتوهان:**
هيحصل يا مامي….. اوعدك هيحصل وقريب اوي.
—
بليل كانت قاعدة كريمة في الصالون وغرام خارجة من المطبخ بصنية القهوة وقربت منها:
**غرام بهدوء:**
اتفضلي قهوتك يا هانم.
**كريمة باستغراب:**
شكرا بس ….. انتي مين بالظبط…؟
**غرام بتوتر وهي بتحاول تبتسم:**
أنا… الخدامة الجديدة يا مدام كريمة.
**كريمة بتتأملها بحب وقالتها:**
اه طيب تمام يا بنتي…..اهم حاجة حافظي علي اكل عيشك …واعرفي ان البيت Here ليه نظام… وانتي واحدة واحدة هتتعلمي.
غرام حست براحة من كلام كريمة لانها كانت فاكراها زي سلوي عمتها التانية وأسلوبها.
