
في اليوم التالي، بدأت الحرب الفعلية. أمه لم تنتظر، بل جمعت كبار العائلة؛ عمه الحج متولي، وعمته أميرة، وجاءوا جميعاً في زيارة غير متوقعة للمنزل في السابعة مساءً.
دخل الجميع وجلسوا في الصالة بنظرات متجهمة. أم عاصم كانت تجلس في الصدارة، عيناها تطقان كبراً، ومازن أخوه يقعد في الزاوية مظلوماً ومكسور الخاطر كما صور نفسه للجميع.
قال العم متولي بصوت فخم محاولاً فرض الهيبة:
“يا نجلاء يا بنتي.. عاصم ابننا وأنتِ مراته وواحدة مننا. العيلة ملهاش إلا بعضها، ولما ربنا يوسع على حد في البيت، المفروض يشيل الباقين. أخو جوزك محتاج يقف على رجليه، والقرشين اللي معاكي كتر خيرك لو سترتيه بيهم، وده أصل المودة بين الأسر.”
خرجت نجلاء من المطبخ وهي تحمل صينية الشاي، وضعتها على الطاولة ببرود، وجلست بكل ثبات، ولم تظهر أي ارتباك أمام الهجوم الجماعي.
قالت بثبات شديد:
“أهلاً بيكم يا حج متولي. بس معلش، المودة غير الاستغلال. الأصول بتقول إن الراجل هو اللي يتعب ويشتغل ويجهز نفسه، مش ييجي ياخد تمليك لمازن؟ بصفة إيه؟ وبأي حق؟”
انفجرت العمة أميرة قائلة:
“بصفة إنك مرات أخوه! والفلوس دي لميتيها من بلدنا ومن عيالنا اللي بيدوا عندك دروس! لولا اسم عاصم ورضاه عن نزولك للشغل، ما كنتِ عملتي قرش!”
ابتسمت نجلاء ابتسامة ساخرة وقالت:
“اسم عاصم على رأسي، بس اسمي وعرقي وشغلي هما اللي نجحوني. أنا مدرسة أولى لغة إنجليزية، والناس بتجيلي عشان بتعلم، مش عشان أنا مدام عاصم. وبعدين يا عمتي، لما الحج متولي جوزك اشترى العمارة الأخيرة، كتب منها لأخوه؟ ولا أختك لما ورثت كتبتها لولاد جوزها؟ اشمعنى لما تيجي عندي أنا تبقى ‘أصول ومودة’، ولما تروح عندكم تبقى ‘حق حلال عمر’؟”
“يا أمي حرام عليكي! ليه تحطيني في الخيار ده؟ نجلاء مراتي وأم ولادي، وعمرها ما قصرت معايا، والفلوس دي فلوسها بجد، محدش يقدر يجبرها على حاجة.”
صرخت الأم:
“يعني اختارتها هي وبعت أمك؟ ماشي يا عاصم.. طالما بعتني عشان فلوسها، يبقى إنت مش ابني، ومازن مالوش أخ!”
قامت الأم متجهة نحو الباب، وتبعها العم والعمة ومازن الذي ينظر إلى عاصم بنظرات احتقار وتشفى. عاصم حاول إمساك يد أمه ليستسمحها، لكنها دفعتها بقوة وخرجت وهي تصرخ في الممر: “حسبي الله ونعم الوكيل فيكي يا بنت فلان، خربتي البيت وعقيتي الابن!”
أُغلق الباب بصوت مدوٍّ. سقط عاصم على أقرب كرسي وهو يضع وجهه بين يديه، يبكي بحرقة وسكت تام.
أما نجلاء، فلم تتقدم لتربيطه أو تطيب خاطره؛ بل وقفت على بُعد خطوات، وقالت بنبرة شديدة الجدية والوضوح:
“عاصم.. أنا مقدرة موقفك والضغط اللي اتعرضت له، بس لازم تفهم حاجة واحدة. لو كنت اتراجعت النهارده ووافقت تضغط عليّ عشان ترضي أمك، كنت هتخسرني وتخسر بيتك للأبد. أمك مش زعلانة عشان أخوك محتاج .. أمك زعلانة لأنها اكتشفت إنها مش قادرة تحركك بالريموت كنترول وتتحكم في مالي وفي حياتنا.”
رفع عاصم رأسه وعيناه ممتلئتان بالدموع وقال بصوت خافت:
ردت نجلاء بكل حسم:
“أنت مش عاق يا عاصم. أنت راجل بتصون بيتك وحق مراتك ولادك. البر مش معناه إنك عشان ترضي أوهام السيطرة عند أهلك. البر إنك تصالح أمك بالكلمة الطيبة والواجب، بس بحدود خط أحمر ميتخطاهوش حد.. والخط الأحمر ده هو بيتي، وفلوسي، وكرامتي.”
مرت الأيام القادمة ثقيلة كالرصاص. شائعات وافتراءات بدأت تنتشر في العائلة وفي المنطقة. أم عاصم لم تسكت، بل بدأت تشيع بين الجيران والأقارب أن نجلاء استغلت ابنها الموظف الغلبان، وسرقت فلوسه، وركبته، وحرمته من بر أهله.
بدأ بعض زملائه في الشركة ينظرون إليه بنظرات مريبة، وبعضهم يلمح بكلمات سخيفة عن “الراجل اللي مراته مشياه”. كان عاصم يتحرق إحراجاً وألماً، لكنه حين يعود للبيت يجد نجلاء مستمرة في خطتها الصارمة.
قامت نجلاء بتطبيق قرارها المالي فوراً:
تركت لعاصم إدارة مصروف البيت بالكامل من مرتبه الـ 11 ألف جنيه. في نهاية الأسبوع الأول، وجد عاصم نفسه عاجزاً عن شراء الفواكه المعتادة، وشراء المستلزمات اليومية التي كانت نجلاء تتكفل بها بغير حساب. شعر لأول مرة بالفرق الشاسع بين الحياة التي كانت توفرها له بمالها، وبين الواقع المتردي لمرتبه وحدوه
لكن المفاجأة الكبرى التي لم يحسب لها أحد حساباً، جاءت من اتجاه آخر لم يخطر ببال عاصم ولا أمه.
في أحد أيام الثلاثاء، وبينما نجلاء في المدرسة، تلقت اتصالاً هاتفياً من المحامي الخاص بها.
أخبر المحامي نجلاء أن أم عاصم، وبتحريض من الحج متولي، ذهبت إلى الإدارة التعليمية وقدمت شكوى رسمية وشكوى للنيابة الإدارية ضد نجلاء، تتهمها فيها بإعطاء دروس خصوصية غير قانونية داخل ، واستغلال وظيفتها الحكومية لجمع
لم تكتفِ الأم بقطع الرحم، بل أرادت تدمير نجلاء قال عاصم وهو يرتجف:
“نجلاء! أنتِ عرفتي اللي أمي عملته؟ أنا آسف.. أنا مش قادر أصدق إن أمي توصل للدرجة دي! أنا هروح لها حالا وأصرخ في وشها، دي عاوزة تخرب بيتنا وتقطع عيشك!”
قامت نجلاء ببطء، ورفعت يدها لتوقفه:
“اقعد يا عاصم.. واهدا خالص. صراخك مش هيعمل حاجة، ومحاولات الاستعطاف انتهت خلاص. أمك فاكرة إنها بالشكوى دي هتلوي دراعي وتهددني بلقمة عيشي عشان أستسلم وأسيب الفلوس.. بس هي ما تعرفش إن أنا مش عبيطة، ومش شغال بأسلوب عشوائي.”
“أنا من سنتين مقننة أوضاعي تماماً، ومؤسسة سنتر تعليمي خاص مرخص رسمياً باسمي وببطاقة ضريبية وسجل تجاري، ودفاتري المنتظمة بتسدد الضرائب أولاً بأول، والدروس اللي بديها أوراقها سليمة 100%. الشكوى دي مش هتأذيني في فتلة.. بس الشكوى دي ادتني الحق القانوني والشرعي إني أرد، وبكل قوة.”
سأل عاصم وهو يبتلع ريقه الخائف:
“تردي إزاي يا نجلاء؟ ناوبة تعملي إيه؟”
فتحت نجلاء الدرج وسحبت حافظة أوراق رسمية، وقالت بصوت كالصلب:
“أخوك مازن اللي عاوز يتجوز فيها شغال في شركة مقاولات بدون عقد رسمي وبيدخل له مبالغ كبيرة من ورا تحت البلاطة، وعمك متولي بانى الدورين الأخيرين في عمارته بدون ترخيص ومخالف للقانون ومتهرب من الضرائب العقارية.. وأمك نفسها كاتبة المحل اللي ورثته عن أبوك باسم مازن حرماناً لك أنت ولأختك من حقكم في الإرث الشرعي، وده ورق مثبت وموجود معايا من زمان بس كنت ساكتة عشان خاطرك.”
ارتعد عاصم وقال:
“نجلاء.. أنتِ هتبلغي عنهم؟”
ردت نجلاء وهي تنظر في عينيه بصلابة لم يرها من قبل:
وقف عاصم مذهولاً بين نارين: أمه التي تسعى لتدمير زوجته بجهل وغل، وزوجته التي تملك والمستندات لتدمير عائلته بالقانون.
أصبح عاصم يعلم أن اللحظة الحاسمة قد اتت، وأن الحصار قد اكتمل، وأي خطوة خاطئة منه الآن لن تؤدي فقط إلى الطلاق، بل إلى دمار شامل يلعف بالعائلة كلها.


