منوعات

اربع ايام

اترمى على الكرسي.. ولأول مرة من يوم ما عرفته، كريم كان شكله صغير وضئيل أوي.

— ممكن نصلح كل حاجة..

— أنا خلاص بصلحها.

الساعة 12:40 الظهر، حد خبط على الباب بقوة مرعبة لدرجة إن كارما صحيت تعيط.

سهير.

أمي فتحت الباب بعد ما الأستاذ فريد المحامي والمحضر وصلوا.

سهير دخلت زي الصاروح، شعرها منكوش ولسه بلبس البيت والششب.

— أخدوا العربيات النقل! أخدوا شغلنا!

أمي ماجدة وقفت قبالها بكل ثبات:

— وطي صوتك.. فيه عيلة صغيرة نايمة.

— إنتي تسكتي خالص! الموضوع ده بين ابني ومراته!

— مابقاش بينهم بس من الساعة اللي حطيتي فيها اسمي على أوراق عمري ما شفتها ولا وقعتها!

سهير اتلفتت لي بغل:

— إنتي اللي وزيتي كريم وقومتيه على أهله وعيلته!

في اللحظة دي كريم ظهر من وراها.. سهير أول ما شافته ابتسمت.

ابتسمت سهير افتكاراً منها إن ابنها هيدخل يدافع عنها ويقف في وشنا زي كل مرة، بس كريم كان واقف وراها وشه شاحب، باصص للورق اللي في إيدي وعينه في الأرض مش قادر يرفعها في عين أمه ولا في عيني.

سهير قربت منه بثقة وقالتله وهي بتاخد نفسها بالعافية:

— كويس إنك هنا يا كريم! شوف مراتك وأمها عملوا إيه! اتصل بالشرطة، اتصل بأي حد يوقف المهازل دي! دول سحبوا العربيات وبكرة هيبعثوا حجز على معدات المطبخ والمحل!

كريم بص لأمه بنبرة مكسورة أول مرة أسمعها منه وقال:

— أمي.. خلاص.

سهير اتصدمت وبصتله بذهول:

— يعني إيه خلاص؟ إنت اتجننت يا كريم؟! بتسيب حقي وحق عيلتك يضيع قدام عينك عشان حتة ورقة؟!

هنا تدخل الأستاذ فريد المحامي، وقف بكل هدوء بيننا وبينهم، وطلع كارنيه النقابة والمحضر الرسمي وقال بصوت حاسم:

— مدام سهير.. الرهن المسجل عقد رسمي وسند تنفيذي واجب النفاذ، والمحكمة أصدرت قرارها بناءً على الامتناع عن السداد لمدة 10 شهور متواصلة وتجاهل كل الإنذارات القضائية. التنفيذ ماشي بالقانون ومفيش أي جهة تقدر توقفه.

سهير كانت بتتنفس بصعوبة، بصت لأمي بغل وقالت:

— إنتي بتعملي كل ده عشان المليون وثلاثمائة وخمسين ألف؟ أنا هردلك فلوسك! بس بلاش الحركة الرخيصة دي!

أمي ابتسمت بثبات وقالتلها:

— الفلوس دي حق بنتي وحقي بالقانون، وإن كان على الحركة الرخيصة.. فالرخيص بجد هو اللي يزور توقيع مرات ابنه ويحط اسمها واسم أمها في ديون بـ 3 مليون جنيه ويستغلها وهي متكتفة.

سهير اتجمدت مكانها.. عينيها زادت اتساعاً وبصت لـ كريم ورجعت بصتلي وقالت بتردد:

— تزوير إيه؟ إنتي بتقولي إيه؟!

طلعت من الدوسيه صورة شات الموبايل وعريضة الدعوى اللي بتهمة التزوير والاستيلاء على بيانات شخصية والتوقيع الإلكتروني بدون وجه حق، ورميتها على السفرة قدامها.

قلتلها بصوت هادي وجاد جداً:

— البنك وافق يبعت لنا صورة الملف الكامل للتمويل.. وتوقيع كريم وتوقيعك موجودين على أوراق الاستعلام وبطاقاتي أنا وأمي.. الق\ضية دي جُنحة تزوير واستيلاء، والأوراق جاهزة تتسلم للنيابة العسكرية والنيابة العامة خلال ساعتين.

كريم جرى عليا ومسك إيدي بلهفة:

— ليلى.. أرجوكي بلاش نيابة! أنا أموت ولا أمي تدخل محاكم أو تخش في ق\ضية تزوير! اتفاهمي معايا أنا، اعتبريني أي حد وغلط!

شديت إيدي منه بمنتهى القوة والبرود وقدمتله الورقة الأخيرة اللي في الظرف:

— التنازل عن القضايا وتصفية ديون البنك مش هيحصلوا غير بشرطين اثنين ملهمش ثالث.

كريم مسك الورقة وإيده بترعش وبيقرا:

— شرط إيه؟

— الشرط الأول: يتوقع عقد بيع نهائي وشامل للمحل الصغير اللي جنب بيتكوا لصالح أمي وفاءً لدين الـ مليون وثلاثمائة وخمسين ألف، وتتحملوا إنتو مصاريف التسجيل والرهن.

الشرط الثاني: تفويض رسمي منك ومن أمك للبنك لإخراج اسمي واسم أمي تماماً من عقد الضمان وتتحملوا التسهيل الكريديت لوحدكم.. وتوقع دلوقتي حالا على ورقة الطلاق بطلقة بائنة للضرر مع التنازل الكامل عن حضانة كارما ليّا وتأمين نفقتها شهرياً.

سهير صرخت:

— طلاق إيه وحضانة إيه؟! إنتي فاكرة نفسك مين عشان تتشرطي علينا كده؟! ابني مش هيطلق، وإحنا مش هنوقع على حاجة!

أمي ماجدة بصت للمحامي وقالتله ببرود:

— أستاذ فريد.. اطلب النجادة وخلي المحضر يسجل واقعة الاقتحام، وبلّغ زمايلك في النيابة يجهزوا البلاغ.

كريم صرخ بصوت هز الأوضة:

— بسسسس! كفاية!

الكل سكت في اللحظة دي.. كريم بص لأمه والدموع في عينيه وقالها:

— أمي.. الورق فيه توقيعي وتوقيعك.. لو البلاغ ده اتعمل أنا وإنتي وهشام ورامي هنروح في داهية والمطاعم كلها هتقفل والفضايح هتبقى في كل حته!

سهير بصت لابنها باستحالة، كأنها بتكتشف لأول مرة إن الجدار اللي كانت متسندة عليه عشان تظلمني طلع من قش.

كريم مسك القلم اللي الأستاذ فريد قدمهوله، وبأيد بترعش وقع على أوراق الطلاق والتنازل عن الحضانة والالتزامات المالية. وسهير، بقلة حيلة وكسرة عين عمرها ما جربتها في حياتها، وقعت هي كمان على نقل ملكية المحل وإخلاء سبلي أنا وأمي من ديون البنك.

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى