روايات وقصص

مدرسة بقلم اماني السيد 2

مسكت الورقة، وقريت الاسم، والدم جمّد في عروقي للمرة الثانية.. المشتري اللي داخل مع المركز المنافس بفلوسه وشايل الخطة دي عشان يخرب بيتي ويقفل السنتر بتاعي، كان هو جمال!

الصدمة المرة دي كانت أشد من كل اللي فات، مسكت الورقة وإيدي بتتنفض من ذهول المشهد.. الراجل اللي مشاركني السقف والأكل والولاد، رايح ياخد شقا عمره والفلوس اللي كان حارم بيته وعياله منها، عشان يدخل شريك مع أكبر منافس ليا في المنطقة، بهدف واحد بس: إنه يكسر السنتر بتاعي ويقفل بيتي ويذلني!

جمال مكنش بس راجل مستغل أو نرجسي، جمال كان مريض بنجاحي، وجودي كست ناجحة ومستقلة كان بيحسسه بعقده ونقصه، ولما فشل يركب الموجة وياخد نص السنتر بتاعي بالرخص، قرر إنه يحرق المركب باللي فيها، حتى لو ده معناه إن فلوسه تضيع أو العيال يتأثروا.

مسحت دموعي في ثواني، ودخلت في حالة جفاف مشاعر تامة. القوة اللي جواه المرة دي مكنتش مجرد دفاع عن النفس، دي كانت رغبة في التطهير الكامل. ناديت على محامي السنتر، وقعدت معاه ومع شريكتي، وحطيت الورقة قدامهم على الترابيزة.

المحامي لما شاف الاسم بلم وقالي: «يا أستاذة هناء.. ده جوزك! ده كده مش مجرد منافسة تجارية، ده حرب مكسورة فيها كل القواعد القانونية والأخلاقية، ولو فتح السنتر ده جنبك بالأسماء المجمعة اللي معاه، هيعمل شوشرة وشغل ضرب تحت الحزام هيضرنا جداً».

ابتسمت ابتسامة هادية جداً، وقوتها ارعبت المحامي وشريكتي، وقالتله: «يا أستاذ، جمال فاكر إنه بيلعب مع هناء المدرسة اللي بتخاف على شكلها قدام الناس، ميعرفش إنه بيلعب مع ست أكلت السوق بأسنانها وبنت اسمها بدمها.. هو فاكر إن الفلوس اللي معاه هتسنده؟ أنا هخليه يدفع كل مليم شاله من ورايا، وهخليه يندم على النهار اللي فكر فيه يتحدى مراته».

طلبت من المحامي يعمل خطة على مرحلتين: المرحلة الأولى، السكوت التام، نسيبه يكمل في إجراءات العقد ويدفع أكبر مبلغ ممكن كـ “مقدم” و “شرط جزائي” لصاحب المكان، ومن غير ما يحس إننا عرفنا أي حاجة. والمرحلة الثانية، كانت الضربة القاضية اللي مش هيقوم منها.

جمال كان متخيل إنه ماشٍ في الخفاء، كان بيرجع البيت بالليل يمثل دور الزوج المظلوم المجهد اللي مصاريف البيت تقلت عليه، وكان يبصلي بنظرات كلها تحدي ومستني اليوم اللي هيفاجئني فيه بفتح السنتر الجديد عشان يشوف دموعي وهزيمتي. وأنا كنت بتعامل معاه ببرود أشد، أجهزة البيت بتمشي، أطلبه بالقرش والمليم لمصاريف الأولاد، وأسيبه يدفع وهو فاكر إنه بيمتص غضبه في صفقته السرية.

لحد ما جيه اليوم الموعود.. اليوم اللي كان رايح فيه يوقع العقد النهائي مع صاحب العقار والمنافس، ويدفع باقي مبلغ الاستثمار اللي يمثل كل مدخرات حياته وزيادة عليهم قروض أخدها بضمان مرتبه من البنك.

جمال نزل الصبح وهو لابس ومبتسم ابتسامة النصر، فاكر إن اليوم ده هو يوم رد اعتباره.. ميعرفش إن صاحب العقار اللي بيأجر منه المكان، طلع واحد من قرايب صاحب العمارة اللي السنتر بتاعي فيها، ومن أشد المعجبين بشغلي وشخصيتي، وكان المحامي بتاعي وصل له كل التفاصيل بالدلائل والأوراق.

جمال قعد في المكتب، وحط الشيكات والفلوس كاش على الترابيزة، والمنافس قاعد جنبه بيضحك وفاكرين إنهم خلاص حاصروني. وفجأة، قبل ما القلم يلمس العقد عشان يوقع، دخلت أنا المحامي بتاعي، ومعانا رجل الأعمال الكبير اللي كان سلفني الـ ٥٠ ألف جنيه في الأول!

جمال اتسمر في كرسيّه، القلم وقع من إيده، ووشه اتخطف وبقى زي الميتين. بصلي بذهول وهو مش قادر ينطق كلمة واحدة: «هـ.. هناء؟! إنتي إيه اللي جابك هنا؟»

قربت من الترابيزة بكل شموخ، وبصيت للفلوس الملفوفة وللعقود، وبعدين بصيت في عينيه وقالتله بصوت واطي وبارد سمع المكتب كله: «جيت أباركلك يا أستاذ جمال.. جيت أشوف المكان اللي اخترت تحط فيه كل تحويشة عمرك والقروض اللي أخدتها بضمان شغلك، عشان بس تكسرني وتثبت لنفسك إنك راجل».

المنافس وقف بغضب وقالي: «أنتِ دخلتي هنا إزاي يا أستاذة؟ دي صفقة خاصة ومفيش مكان ليكي معانا!».

رجل الأعمال اللي كان معايا حط إيده في جيبه وابتسم بثقة وقال للمنافس: «الصفقة دي اتلغت يا أستاذ.. عشان العمارة والمحلات اللي فيها كلها اتشرت بالكامل الصبح من صاحبها الأصلي، والمشتري الجديد هو أنا والأستاذة هناء، والشرط الجزائي اللي حطه جوز الأستاذة في العقد المبدئي.. بقى ملك لينا إحنا بنص القانون!».

جمال قام وقف، ركبه كانت بتخبط في بعضها، وبص لصاحب المكان اللي هز رأسه وقاله: «آسف يا أستاذ جمال.. الأستاذة هناء اشترت الدور بالكامل، والفلوس والعربون اللي دفعتهم دخلوا ضمن حسابات البيع وللأسف الشديد، طبقاً لبنود عقدك المبدئي، العقد ملغي بدون استرداد العربون لو المالك قرر يبيع العقار بالكامل!».

جمال حس إن السقف وقع فوق دماغه، الفلوس اللي شقا فيها طول عمره، الفلوس اللي كان حارم بيته منها، راحت في الهواء بضغطة زرار وبسبب غبائه وغله! مسك في طقطوقة المكتب وهو مش قادر يتنفس، والدموع اتجمعت في عينيه مش من حزنه عليا، لكن من خيبته وصدمته في تحويشة عمره اللي ضاعت.

قربت منه وشلت الفلوس والعقود من قدامه، وبصيت له وقولت له بكلمات حاسمة: «الفلوس دي راحت يا جمال.. راحت عشان تعرف إن اللي يبني على الغل والحقد بيته  على دماغه. أنت خسرت فلوسك، وخسرت مكانتك، ودلوقتي جه الوقت اللي هتدفع فيه تمن كل سنة عشت فيها استغلالي ومستني لحظة ».

جمال كان واقف في وسط المكتب زيه زي الجثة الهامدة، إيديه نازلة جنبه، عينيه بتبص للترابيزة الفاضية ومش قادر يستوعب إن تحويشة عمره، والقرض اللي هيفضل يسدد فيه سنين من مرتبه، طاروا في الهواء في لحظة غباء وغل. المنافس أول ما حس إن الكارت اتحرق وإن العمارة بقت ملكي أنا ورجل الأعمال، أخد بعضه وجري وانسحب بجلدها، وساب جمال لوحده غرقان في شر أعماله.

قربت منه بخطوات بطيئة، حطيت إيدي في جيبي وبصيت له بقمة الاستهانة: «تقدر ترجع البيت دلوقتي يا أستاذ جمال.. أو تروح لأختك حنان تحكيلها إزاي “السمكة اللي وقعت في الشبكة” أكلت الشبكة باللي فيها وصادت الصياد».

خرجت من المكتب وأنا مرفوعة الراس، وسيبته ورايا يتخنق بعبرته. في اليوم ده، أدركت إن الحق ما بيرجعش بالدموع، الحق بيرجع بضربات قاضية وذكية تحت مظلة القانون.

لما رجعت البيت بالليل، لقيت جمال قاعد في الضلمة في الصالة. مكنش شغل النور، ومكنش فيه الحيل حتى إنه يرفع راسه يبصلي وهو بيكلمني. صوته كان مكسور ومبحوح، خالي تماماً من أي نبرة استعلاء أو كبرياء من اللي كان بيمارسهم عليا السنين اللي فاتت.

قال وهو باصص للأرض: «عملتيها يا هناء؟ دمرتيني؟ ضيعتي الفلوس اللي طلعت بيها من الدنيا عشان ترضي غرورك؟»

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى